အမှောင်ကိုခွင်း အလင်းဆောင်မည်..........

Wednesday, September 29, 2010

ဘုရားသခင် ဖန်ဆင်းပေးရင်တောင်မှ အပြစ်ပြောလွတ်မည်မထင်ပါ

ရှေးအခါတုန်းက “မြည်းတစ်ကောင်နှင့် သားဖနှစ်ယောက်” ဆိုတဲ့ ပုံပြင်လေးတစ်ခုကို ကြားခဲ့ဖူးကြ မှာပါ။ ခရီးတစ်ခုအသွားမှာ သားက မြည်းကိုစီးတော့ ဖခင်ကိုမှ ကိုယ်ချင်းမစာ၊ ဖခင်က မြည်းကို စီးတော့ သားကိုမှ မငဲ့ညှာ၊ သားအဖနှစ်ယောက်စလုံး စီးပြန်တော့ မြည်းမလေးကိုမှ မညှာတာ၊ လုံးဝ မစီးပြန်တော့ တုံးလိုက်ကြတာဆိုပြီးတော့ ဝေဖန်ရေးတွေ၊ လေကန်ရေးတွေ လုပ်ခဲ့ကြတဲ့ ပုံပြင်လေးတစ်ခုပဲဖြစ်ပါတယ်။ ပြောရမယ်ဆိုရင် ဒီနေ့ လိုတစ်မျိုး၊ မလိုတစ်မျိုး ဝေဖန်ရေး၊ လေကန်ရေးတွေ လုပ်နေကြတဲ့
ဘီဘီစီ၊ ဗွီအိုအေ၊ အာရ်အက်ဖ်အေ တို့လိုပေါ့လေ။
ဝေဖန်ရေး၊ လေကန်ရေးဆိုတာ ကိုယ်လိုချင်သလို ပြောလို့ရတဲ့ အပေါဆုံးအလုပ်တွေဖြစ်သလို ဟိုလိုလုပ်ပါလား၊ ဒီလိုလုပ်ပါလားဆိုပြီး အကြံပြုသလိုလိုနဲ့ ဆရာကြီးလုပ်တတ်တဲ့ အလုပ်တွေဟာ အလွယ်ဆုံး အလုပ်တွေဖြစ်တယ်ဆိုတာ နေ့စဉ်နဲ့ အမျှ မြင်နေ၊ ကြားနေရတာ ဖြစ်ပါတယ်။ အပေါစား ဝေဖန်လေကန်တာ အကြံပြုတယ်ဆိုပြီး ဆရာကြီးလုပ်တာ လွယ်သလောက် တကယ်ကိုယ်တိုင် တိုင်းပြည်ကိုချစ်တဲ့စိတ်နဲ့ နဖူးတွေ့ ဒူးတွေ့ တိုင်းပြည်အတွက် လုပ်ရတဲ့အလုပ်တွေဟာ အလေးထားရသလို အင်မတန် ခက်ခဲ သိမ်မွေ့လှပါတယ်။ မလုပ်တတ်ရင် တိုင်းပြည်ပြိုကွဲပြီး ဖျက်လို့မရတဲ့သမိုင်းကြောင်းမှာ အမှားတွေနဲ့ ကျန်ခဲ့မှာပဲ ဖြစ်ပါတယ်။ ဒီလိုအစစ ချင့်ချိန်ပြီး တစ်ဆင့်ပြီးတစ်ဆင့် လုပ်နေတာတွေကို အစကနေ အဆုံး စောင့်မကြည့်ဘဲ အပေါစား ဝေဖန်မှုပြုတာတွေ တပည့်မွေးချင်တာကြောင့် ဆရာကြီးလုပ်တာတွေဟာ မြည်းတစ်ကောင်နဲ့သားအဖနှစ်ယောက် ဝေဖန်ရေးလုပ်ခဲ့ကြသလို ပြောတတ်တာကတော့ ဘီဘီစီတို့၊ ဗွီအိုအေတို့၊ အာရ်အက်ဖ်အေ တို့ဟာ တကယ့်ကို ဆရာကြီးတစ်ဆူလို တွေ့မြင်ရမှာ ဖြစ်ပါတယ်။
ဒီရက်ပိုင်းမှာ စစ်အစိုးရက သူတို့ပြောထားတဲ့ Road Map ပါအတိုင်း အဆင့်(၅)ဖြစ်တဲ့ လွတ်လပ် တရားမျှတတဲ့ ရွေးကောက်ပွဲကို ကျင်းပပေးတော့မှာမို့လို့  ပြည်ထောင်စုရွေးကောက်ပွဲ ကော်မရှင်ဥပဒေနဲ့ နိုင်ငံရေးပါတီများ မှတ်ပုံတင်ခြင်းဥပဒေကို ထုတ်ပြန်ခဲ့တာ ကြားသိမြင်တွေ့ခဲ့ရပါတယ်။ စစ်အစိုးရက ပြည်သူ တွေကိုယ်တိုင် ရေးဆွဲအတည်ပြုထားတဲ့ ဖွဲ့စည်းပုံအခြေခံဥပဒေနဲ့အညီ တရားမျှတတဲ့ ရွေးကောက်ပွဲတွေ လုပ်ပေးတော့မယ်ဆိုတာ တစ်ကမ္ဘာလုံးသိအောင် ကြေညာပေးလိုက်တာပဲ မဟုတ်ပါလား။ ဒါကြောင့်လဲ စစ်တပ်ဆိုတာ မလုပ်နိုင်တာကိုလည်း မပြောဘူး၊ ပြောပြီးပြီဆိုရင်လည်း ရေဆုံး မြေဆုံး တိတိကျကျ ဆောင်ရွက် တတ်တယ်ဆိုတာကို သာဓကပြလိုက်တာပဲ မဟုတ်ပါလား။
အလုပ်တိုင်းမှာ အဆင့်တွေဆိုတာ ရှိပါတယ်။ သင့်တင့်လျောက်ပတ်တဲ့ အချိန်ဆိုတာ ရှိပါတယ်။ အခုရေတွင်းတူး၊ အခုရေကြည်သောက်လို့ မရပါဘူး။ အတိုင်းအတာတစ်ခုထိတော့ စိတ်ရှည်ရမှာပါ။ စစ်အစိုးရ ဟာ နိုင်ငံတော်အာဏာကို လွှဲပြောင်းပေးဖို့အတွက် Road Map ဆိုတဲ့ လမ်းပြမြေပုံကို ဟိုးလွန်ခဲ့တဲ့(၇)နှစ် လောက်က ၂၀၀၃ခုနှစ် ၀န်းကျင်မှာ ကမ္ဘာကိုချပြခဲ့ပြီးဖြစ်ပါတယ်။ လုပ်ဆောင်မယ့် လုပ်ငန်းစဉ်အဆင့်ဆင့်ကို ရှင်းရှင်းလင်းလင်း ဖော်ပြပေးခဲ့တာပဲ ဖြစ်ပါတယ်။ ဘယ်အလုပ်မဆို ကိုယ့်နိုင်ငံ၊ ကိုယ့်ယဉ်ကျေးမှု၊ ကိုယ့်သမိုင်းကြောင်းနဲ့ကိုက်ညီတဲ့ မူဝါဒရည်မှန်းချက်ဆိုတာ ရှိသလို၊ ဒါကို အကောင်အထည်ဖော်ဖို့ ဖွဲ့စည်းပုံ အခြေခံဥပဒေဆိုတဲ့ လုပ်ထုံးလုပ်နည်းတွေလည်း ရှိနေရမှာဖြစ်ပါတယ်။ ပြီးတော့မှ လုပ်ငန်းအဆင့်ဆင့်ကို ဆောင်ရွက်ရမယ့် လုပ်ငန်းစည်းမျဉ်း အဆင့်ဆင့်လုပ်ငန်းတာဝန်တွေလည်း ဆောင်ရွက်သွားမှသာ မှန်ကန်တဲ့အောင်မြင်မှုကို ရရှိမှာဘဲ ဖြစ်ပါတယ်။ ဟိုလူပြော ဟုတ်နိုးနိုး၊ ဒီလူပြော ဟုတ်နိုးနိုး ဆိုပြီး လက်တန်းလုပ်လို့ မရဘူးဆိုတာ ကမ္ဘာအနှံ့ ဖြန့်ကြက်ဝေဖန် ပုတ်ခတ်တတ်တဲ့ ဘီဘီစီ၊ ဗွီအိုအေ၊ အာရ်အက်ဖ်အေတို့ သိကြလိမ့်မယ် ထင်ပါတယ်။
ဒါကိုပဲ Road Map ဆိုတာ စစ်အစိုးရက ချပြတဲ့အခါမှာ စစ်တပ်က အာဏာလွှဲမပေးချင်လို့ အချိန်ဆွဲနေတာတို့ ၁၉၉၀ရွေးကောက်ပွဲရလဒ်အတိုင်း အာဏာလွှဲပေးပါတို့ စတဲ့ သူခိုးလမ်းပြ ဝေဖန်မှုတွေ လုပ်ခဲ့ကြတာ မမေ့တတ်ရင် မှတ်မိကြမှာပါ။ ကိုယ်ပြောခဲ့တာကို ပြန်စဉ်းစားကြည့်ရင် ဘယ်လောက်ရှက်ဖို့ ကောင်းတယ်ဆိုတာ ကြာလာလေလေ သိသာလာလေလေ ပေါ်လွင်လာမှာပါ။ အခုလည်း စစ်အစိုးရက အဆင့်(၅) ကိုဆောင်ရွက်ဖို့ဥပဒေတွေထုတ်ပြန်တဲ့အပေါ်မှာနိုင်ငံတကာက လက်မခံသင့်ကြောင်း၊ တရားမျှတမှု မရှိကြောင်း ရွေးကောက်ပွဲ ကော်မရှင်က မှန်မှန်ကန်ကန်ဖြင့် စနစ်တကျလုပ်ဆောင်မှုကိုပင် မလုပ်ခင်ကတည်းက ပုတ်ခတ်မှုတွေ ပြုလုပ် နေတာ ဘီဘီစီကနေ ဘေးတီးတာတွေ လုပ်လာတာ ကြားသိရပြန်ပါတယ်။ ရှေ့လျောက် ဘယ်လောက်ထိများ မဟုတ်မမှန် ဝေဖန်ရေးတွေ လုပ်လာဦးမလဲဆိုတာကို စောင့်ကြည့်ရတော့မှာပဲ ဖြစ်ပါတယ်။ စာရေးသူအထင်တော့ မြန်မာနိုင်ငံကိစ္စအ၀၀တွေကို အစစ အဆင်ပြေအောင် ဘုရားသခင်က ဖန်ဆင်းစီစဉ် ပေးမယ်ဆိုရင်တောင်မှ ဘီဘီစီတို့၊ ဗွီအိုအေတို့ အာရ်အက်ဖ်အေတို့ရဲ့ အပြစ်ပြောတာက လွတ်မယ်လို့ မထင်တော့ပါဘူး။
ဒီနေရာမှာ စဉ်းစားစရာတစ်ခု တွေ့ခဲ့ရပါတယ်။ ပြီးခဲ့တဲ့ရက်ပိုင်းက သတင်းတစ်ခုတည်းမှာ မနေ့တစ်နေ့ကမှ စစ်တပ်ထဲရောက်ပြီး စစ်သက်လေး(၃)နှစ်လောက်အတွင်းမှာ ငွေကြေးလိမ်လည်မှုတွေ၊ လောင်းကစားမှုတွေ၊ စစ်စည်းကမ်းဖောက်ဖျက်မှုတွေ ကျူးလွန်ပြီး စစ်ပြေးဖြစ်သွားတဲ့ တပ်ပြေး ဗိုလ်ရဲထက် ကို ဗွီအိုအေအသံလွှင့်ဌာန ဦးသန်းလွင်ထွန်းကနေပြီး မျိုးချစ်တပ်မတော်သားတစ်ဦးရဲ့ ရင်ဖွင့်စကားဆိုပြီး ချက်ချင်းပဲ နိုဘယ်ဆုတွေ ပေးရတော့မလိုလို ထုတ်ပြန်သွားတာ ကြားလိုက်ရပါတယ်။ သိပ်တော်နေရင်လည်း ဦးသန်းလွင်ထွန်းရယ် လူကြီးမင်းရဲ့ နှမနဲ့ ပေးစားကြည့်လိုက်ပါ။ တို့နိုင်ငံမှာတော့ ဒီလို စည်းပျက်၊ ကမ်းပျက် လူကြီးမင်းရဲ့ ယောက်ဖ စစ်ပြေးတစ်ယောက်ကို ချီးကျူးစရာမရှိပါဘူးလို့ဘဲ ပြောလိုက်ပါရစေ။
တကယ်ဆိုရင် လူကြီးမင်းတို့ အသံလွှင့်ဌာနတွေအနေနဲ့ အမေရိကန်တို့ နေတိုးအဖွဲ့ဝင်တို့ မှားယွင်းပစ်ခတ်မှုကြောင့် အာဖဂန်နဲ့ အီရတ်မှာ သေကြေခဲ့ကြရတဲ့ ကလေးငယ်နဲ့ လူထုတွေရဲ့ မိသားစုတွေကို သွားတွေ့ပြီး အားပေးသင့်တာပါ။ ရသင့်ရထိုက်တဲ့ အခွင့်အရေးတွေကို တောင်းဆိုပေးလိုက်စမ်းပါ။ အမေရိကန် နဲ့ နေတိုးတို့ရဲ့ မှားယွင်းခဲ့တဲ့ အမှားတွေအပေါ်မှာ ဖော်ထုတ်ပြီး တစ်ကမ္ဘာလုံးသိအောင် အရေးယူအောင် တင်ပြလိုက်စမ်းပါလို့ ပြန်ပြီး အကြံပြုလိုက်ချင်ပါတယ်။ ဒါကြောင့်လည်း စစ်မှန်တဲ့ ဒီမိုကရေစီလမ်းကြောင်း ပေါ်မှာရောက်နေတဲ့ မြန်မာနိုင်ငံအပေါ် မရောင်ရာ ဆီလူး ဝေဖန်ရေး လေကန်ရေးတွေ လုပ်မနေပါနဲ့တော့လို့ဘဲ ပြောလိုက်ပါရစေ။

မိတ္တူထုတ်ရန်

No comments:

Post a Comment